بدوي ولي في عيشة البدو معزوب..بين الجبال الشاهقات النيافي

......ابوقاصي البازعي العوذلي......

بدوي ولي في عيـشة البدو معزوب

بيـن الجـبـال الشـاهـقـات النـيـافي

اعشق حيات البدو والعشق منسوب

يـشمـل جـبـال البـاديــة والفـيـافي

تلك التي تبسط حشئ كـل مكروب

مـبـرز بعـُضمـتهـا حـسـان الـقـوافي

لاضـاق حـالي جيـت لا بـرهـا صوب

سـرعـان مـا اشعر قـربهـا بالعـوافي

واقبـلت اسبـح بـسم ربـي وله توب

متـأمـل الخلـق العـضـيـم المـوافي

واقــول يـاربـاه يـاخــيـــر مــطــلوب

انتـه لي الشـافـي وانـت المـعافي

مالـي وللـدنـيـاء ولابـيـت مـكـسوب

لطفك وعطـفك بي وبا الناس كافي

يارب تـجـعـلنـي مـن الشر محجوب

ياخـالق ابـن ادم عـلا الأرض حـافي

تكـفيـنـي الـصحـه بـزاداً ومـشروب

مـاعــاد ابـا شـيـاً عـليــهـا إضـافي

كل امنيـات القلب تـذهب معا النوب

إلا امـنـيـاتــه بــك لـيـوم التـصـافي
...
ياواحـة المـاء ذكــري كـل مـحـبـوب

حبـاً غـدا بـألأمـس ملقـي التجافي

تارك واره القهـر فـي قلـب مـلهـوب

واحــزان خـلـفـهـا لــروحــي زوافي

لاحـب دام الـحـب مـاهـو بامـكـتوب

يجمـع قلـوب اهـله بعـقـد الـزفافي

ولاحـب دامـه فـيـه عـايـب ومعيوب

ما يـعـتـرف باهـل القلـوب النضافي

كــلا ولا للـحــب يـاكــل مـتــعـوب

مـادام مافـي حـب صـادق شفافي

..........ابوقاصي البازعي........