ابوقاصي// جوابي على بدع الشاعر الكبير صلاح بن علي الدياني العولقي/ابوسيف/

بدع الشاعر الكبير صلاح بن علي الدياني العولقي ابو سيف/// ويليه جوابي بن بازع العوذلي
قـال العولقي بن علي ياعين الفتى الساهره

»نامي ورقــدي وهـتنـي بعد اليل عاد النهار 

ماشي فايده با السـهر والتفكير با الشاطره

»مادام اهلها اتخالفو في تحديد خط المسار

لن تنفعكم الهـــنجـمـه وذياب الخلا الكاسره

»تنخرفي عظام البدن والغزلان جوف المدار

والله ما نفــعــتــو نــعــم يا ربان با الباخره

»ما دام الخلاف انتهز فـرصه سانحه بالبحار 

سبع سنين رافــع طـلب ضد الدوله الفاجره

»مطلب حق وحنا معه ياقوم البصل والخظار

لـكـن الاسـف طعـنتي يا سرحان ع الخاصره

»من خوتي وربعي نعم وهلي والصحب والصهار 

لعـنه يا القا المـشتـرك وعظاء اللجنه البايره

»يا من تشترون الذمم لجـل العاهره والمنار 

اقسم با الذي فوقـنا مـالي نفس با العاهره
.»وحدتكم لكم ورحلو ماشي عذرمن لنشطار
كــلـــمه  قـــولـها صادقه رغم اليله الجايره

»السلم انتهة مـدته حان الحرب وين السبار
 
والله ما رجــــع حـقنا با التــهريـج والناظره

»لــن يرجع ولن تسهنه الا من رصاص العيار 

يا بـــن العــوذلـي بسالك والعربان متجابره

»ليش الرحله اتاخرت والسكه وحمل القطار

هل يوجـد سبـب رائسـي ام لـبـنان والقاهره

»تـلــعب بـك وتـلعـب بنـا لما دخلونا المغار 

وحـذر لايـمـيل القـلــم لـهل الــرحله البايره

»ذي بفكارهم سوقو بعض حقوقنا با الحوار

شفـني عارفـنك نـمر نسل الاسـره الجاسره

»ونـعم بك وونعم بهـم يانسل الرجال النمار 

وانت اليل ياهاجــسي با الوارد وبا الصادره

»هات ابياتك الناريه خـل الارض تقدح شرار

شف بي ضيق من وضعنا وضع الامه العـاثره

»امـه عـاثره قـاصره با الــتـفكـير والابتكار

ماشـي فايـــده مـنهـم دام الـدولـه الكافره

»تتـحكم بمـشـروعهـم وسـرائيل تبني الجدار 

فــصل اول صـدر وستلم بيمانك وبا الياسره

»والثاني لحق ونتول حول العسكري والسبار

قـبل الامـس ياصـاحبي شفت القافله سايره

»فـي خـطيـن مـتخالفه كلـن شل بيده شعار 

قلـي وش حـصل يا فـتــى بيـن القوه الثايره

»ام ان الخـصـوم ايـقنو انه حان رش المثار

بعد الساع يامـرسلـي شـل الخط با الطايره

»بلغ خطي العوذلي والرحله معك با المطار

وحـذر وانـتبه با الـطرق قدامك طرق واعره

»مــن يـدي لــيـدك نعــم لايد الرجال النمار

قلـه جـيـت طلـب لقاء وحصون القاء عامره

»عـامـــر كــل ما بـيـنا لا ايـل ولا بـه دمـار 

وهــديتـه ورود الـوفاء وغصان الوفاء زاهره

»زايدعطرعاده وجد لصحاب السمو والوقار
 
خـتـمـــنا بـذكــر الـنـبي مولا النـيـه الطاهره

»ذي يشفع لنا من سقريوم الواقعه والقرار
ـــــــــــــــــــــــــــــــــــــــــــــــــــــــ
جوابي عبدالله قاسم بن بازع العوذلي <ابوقاصي>

بـسـم لله في مايـلـي بـبــدأ بـه ونا استـغـفره

لايـكـتـب عـلـي سيـئه فـيـمـا زل عـنـي وسار

مـانـي مـحــتــكــم للـغـلــط لا والله ولا بـانـصره

لاكن كل عالم وله هـفـوه من خـطـاء ليـس عـار

يـمـكـن كـلـمـتــي ذي تـهَـيـألـي بـنـهـا ضـافره

محسوبه على عـكسها من ذات الخـطايـا الكبار

في هاذا العـمـل والخـلل ذي مـالي بصر مـاهره

غير اني ادعي الله لايجـعلـنـي من اهـل القمار

ياربـاه انا اسـتـغــفـرك راجــي مـنـك المـغـفـره

ونت اغفر ذنوب الفتـى وجعـلني معـك عبـد بار

بعـد الأن يامـرحبـاء مـالـجـاهـم سكـب مـاطره

والسيل احتـمل عالبلد واسقاها بامـزن المـثـار

ترحيـب الوفـاء بالوفـاء مـن شامـخ حـضـه لاثره

بـسـم العـوذلـه واهلها من شـرجـان لازنـجـبار

حياء بالفتى العـــولقي مـولـى شبــوة الحازره

ذي جانـي بـدنـو المـساء واعيـانه تـطافـل بنار 

قـلنـا عـلـم يـابـن عـلـي ضـنـي حـالـتـك نادره

ماعمري شبرتـك كذا في حـاله تـجيـب انهيـار

ون خمنـت ما سوف اقول الاانـك مـسي عاثره

ونت ابـشر وناخـو علي لاخصـمـك غريب الديار

من زعـجـرت ياصاحـبـي با نذهب لكـي نقبـره

لن المـيـت لومـندفن يطـلـع ريـح جسمـه نبار

قال الـعـلـم مـاهــو بــذا وان كـانـه كـذا سـابره

علمي يابـن بازع شفـه اكبر مـن مشاكـل وثار

ثـم اعـطانـي العلـم ذي مـاحـد للأسـف ينـكره

لاكن عادني مر تبك فـي تــحــديــد نافـع وضار

قد يمكن يكون الخلل فـي التحـمـيـل للذاكـره 

لن المشكـله حـجـمها واسع والـخـلايـاء سغار
كــم حاولت تحميلها تلك النقــطــة العاشره

لاكـن للأسـف دائـماً يـطـلع لي فـشل واعتذار

يابـو سيـف قـد ربـمـا عيـب النـص مـن ناشره

ما المضمون فعله وجـب متفائل مـعـه كل حار

قصـدي ناشـر النـص ذي حـملها وهـي عـاقره

والمضـمون شعبي ونا ونـتـه ياسليـل الجسار

امـا الـسلـم دستـورنـا بـالـسلـمـيـه بـاهـكـره

شفها الموت ذاك البطي محناب الثعل والجعار

يابو سيـف شـف عـصـرنا يتـفائـل معـا حاضره

والحاضر مـعا السلميـه مش محتـاج للأنفجار

بـالسلـمـيـه يـا بـن عـلـي دقـيـتـه وبـادهـوره

وانتـه سـوف تـذكـر غــداً مـاقـلتـه بهاذا الأطار

لوتدري عن ابن اليمن اش مكنـون في خاطره

من بعد الحراك الأبي والسلمي ستضحك مرار

ون تبغا تأكد// فـقـط// فـي//مـوضـوعـنا حاوره

وانـضـر كـيـف بـايـنـطــوي لمـا يـنـدفـن بالغـبار

امـا حــول تــأخــيـــرهـا مـابــاقـول لك فــاكـره

طبعـاً طولت وابعــدت لاكــن حـتـمـها الأنتـصار

هاذا الشيء راجـع لـذي مـن له حـق باينـصره

عنـــده عـلمها والأجـل سبـجــانــه له الأختيار

هـاذا والـعـرب هــمـشـت لـن اجـيـالـها باطره

اجيـال الخـزا مـالهم في نـهـج العــرب ربـع وار

ايــضا طالمـا والعـــرب يالعــــربان مــتــمــاكره 

لايمكن تضلـي لهـم قـيــمــه راسخه واعتـبار

واتـقبـل من العــوذلي بـوقاصـي هـدايـاء سره

من كل الهداياء التـي تبعث في القلوب افتخار

شي كادي وشي نرجسي حملها على فاطره

لجـلك يا رفيـق الوفـاء والأخ الـعــزيــز الضـمار

دياني من اهل الكـرم ماحـد فـي العرب ينكره

والتاريخ شاهد لكم في الجوده وحسن الجوار

يابو سيف ذري العول مولى السمعـه الفاخره

هاذا ماطـرح هاجـسي واعـذرنا على الأقتصار

واختمها باذكـر النبـي مـولـى السنـه العامـره
،،،،،،،،،،،،، وشكرا
خـتـم الانبيـاء والرسـل صلى الله على خير بار