يالله دعينا ليك جنبنا المـــــصايب والفتــــــــــن # يامطلع مــــــن فـــوق عرشـــــك باالسراير والعلـــــن
ماحد سوا الرحمــــــن لترجاه أولدعيــــــه مــــــن # يامن مزجت الروح في لعظــــــام وأمـــــشاج البـدن
فانحمدك حــمد الرضى يامـــــن بك العبد أرتكن # من عبد قاصد رحمــــتك والدمع مــــــن فوق الوجن
والفي صلاة الله على طــــه النبي جد الحـــــسن # المصطفى المخـــــتار ذي ســـــــن الفريضه والسنــن
وبعد ذا يامـــــــهر جعدك على أمـــــتانك زيــن # قم هــــــــــــــات شــــاهي وأكثــــر الشاهي لبـــــــــن
ياعـــــز مالي الهاجس اقبـــــل والحلــــيله وردن # وامسن ينوشــــين القـــــــوافي ذي مــــعانيها عيـــــن
منيـــن طارش يشل الخــــط في ساعة زمـــــــن # بعطـيه خطي يحفــضه ذي خطـــه الكاتــــب بفــــن
ماواه لامطـــــرح علي ذي من تـــــمــناه أتـــــمن# ساس الوفاء والعرف من عهد المـــلك بن ذي يزن
سلم على امــــعاقل وناصر واكثر مني حفــــــن # وعبدربه رش فـــوقه عــــطر مــــن غالــي الثــــمن
ياشيخنا ذي لفتخر بك في المهاجر والوطــــــن # ذي مايجي فـــي هينــــــه ولا ذكر بيـــــن الهــــيــن
بيت الشريعه للقـــــبايل عنـــــد مزات الغـــــون # عساك يابيـت الوفاء لاتنقـــــــطع طــــــول الزمــــن
يقـــــــول خوناصر محمد صد نومــــي ماسكن # وكيف بايوطي معي والقـلـــــب ذا هنـــــهن وحـــن
من باطل الوقت الردي وقـــت المكائد والمحن # ذي حمله اطارح على لنـــــسان مـــــن فـوق المـتن
امسيت فكر في خبر جانــــي معا ما الليل دن # علمين ذي جتني وزاديني شـــجن فـــــوق الشــــجن
علم الجمال الكومـــــــيه باقول غبني باالغبــــــن # هم ذي يشلون الثقـــل يااحمال مــــن عشـــرين طن
صيح من أمقضاب وان امقاع يغشــــاه الحزن # حد سار في عثــــره وحــد ولا ضـــحيه في فتـــــن
وهوبري ماعـــــــــل أنه دخل مــــــذهب خون # وأمساء قنــيص اهل البـــنادق ذي يسمــــين البـــدن
ياالسرو ثارك فيك شاعل من قوي جنبه دحن # لاباتجي صنعاء ولا قـــــــــوات جايــه مــــن عدن
أنتو ذريتو الشر والســـــع ماذريتوها حــــــجن # لاما حنب في ذنبـــكم حاشـــد في أطـــــراف اليمن
عسى يجنبـــنا بلاكم مــــن دخـل فيه إغتـــــبن # وانه يجنب شعبنا المــــــكروه في شتـــــى الوطـــن
والختم صلى الله ماالـــذاري ذراء حبـــه رشن # على الهاشــــمي ذي فـي الـــمدينـــــه قـــد سكـــــن
بدع الشاعر المرحوم علي هادي
قيلت بعد الفتنه التي سارت في السرو من بعض الخوارج ومقتل المشايخ ال موسى طالب والفتنه التي قامت في الصومعه ومقتل ال علي ناصر في القاع
جواب الشيخ ناصر الخضر الدهبلي
يالله دعيــــــــــــناك باسمــــــــك يالامـــــين المؤتمــــــــن # حدد حجار الـــــــشر يالله قبـــــــــل مايتـــــــدرجن
بدعيـــــــــك نــــــــــصف الليل وانتـه بالدعاء عالم وزن # عــــالم بما ينــــــويه عبــــــدك مســـــــــاء ولاغداً
تلطف بعبــــــــدك يوم بايمسي مطوى في الكفـــــــــــن # وأعظاه من جــــسمه على ماقـــــدمه بايشهـــــــدن
مالي سوى ذي يشــــــــــفي العضــــــــمان ليلة يوردن # ما أنسان مثلي لادعيتــــه يلتــــــــفت ليه ومـــــــن
يقـــــول ناصر نوم عــــــــــيني ماتوطى في الجفــــــن # لاشف لسمره ولا شاهي ولاقــــــــوت أمبــــــــطن
سهرت لامــــا الصبح شــــــــوح والسوابع شــــــــوحن #والله ماودي عيـــــــــوني من مـــــــــنامي يقهـــــدن
يامرحبا رده برده كــــــل ما الـمـــــــــاطر دجــــــــــن # بالخط ذي فيه القوافي والحـــــــروف أتصعــــــــبن
والشيخ رحب واهـــــل بيته والمــــــــطارح رحبــــــــن# ليلة وصول الخــط قال الشيـــــــخ قبلي مرحــــــــباً
جاني ونا مشـــــــغول وضــايقني شميزي والســـــــكن # تقول ذا مسجون ذي ماقـط في الســــــجن أستجن
والهــــــــــــاتف أشغلني لصــناعه وذي جــــابه لـــــــسن# عبره تجي شغلات لاأقــــــــصدهن ولانا حولهن
رعونا توحــــــــدنا ودكـــــــــــينا الحواجـــز والوثــــــــن # من شان لنهي الشر وأشكـــــاله وتغيير المهن
مالا رجعنا حيـــــث كــنا يامــــــحن تعقـــــــب محــــن # الشر باينـــزاد مثـــــله والنــــــسور التوحـــــــشن
بعد المشايخ ياأبـــن هادي ريتــها من جـــــــــاء تتـــــن# هاذا العمل مرفوض في الاسلام وفي كل الدين
لاعاد بشرح لـــــك ولابيتـــك تثــــــور ذي أندفـــــــــن # قد خير للانسان لاشاف امــشواعيف استــــــكن
لاقلت باتخبر على أســـباب الخطاء مــــــــن يد مـــن # عمل بلا معروف ما شي لـك ولالي به طــــبن
يامصومعه والسرو من صوبش عــضومي أتصوبن # ماودي الــــــجمال من يده جِــــــــــماله يفـــــــقدن
هذاه سياسه خارجيــــــه منها الشعـــــــــب أمتـــــــهن # الجار ضد الجار واليــــوم التــجن ذي ما التجن
ذاك أشغلــــــــو قلبه وذاك انضاق حـاله وانطـــــــحن # وذاك ذي عاده يفكر كيف مــــــــن ذي بايـجن
زادو علاوي البل فوق فوق أحــــــــمالهن واتجوزن # والـلـــــيله الجمال خايــــــف مــن بلّـــــه يعجزن
ان شي ضوابط نحسب الوضــع في ابوابه هـــــــدن # وان كان ماشي فنحسب أطراف الحبال أتعقدن
والفـي صلاة الله على جد الحســــــــــــين والحـــــسن # ذي لاعبد كافر ولاأستــــــــسلم لعُــــــــباد الوثن
جواب الشيخ ناصر الخضر الدهبلي
مواضيع لم
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
س,و,ج
قائمة أصـدقائي
