قصيده مرسله من الشاعر احمد عبدربه الميسري وجواب الشاعر علي هادي

بسم الله الرحمن الرحيم

يالله طلبناك ياعالم على كـــــل لـــــــحوال # ياعالم السر ذي لخفـــــــي وذي لبــــــديه

وبيدك الكـــون في لحــــــوال والبـــــــدال # وانته الميسر وكل النـــــــاس لك راضيه

وبعد ياطارش اعزم شل لي مرســـــــــال # واْحذرعلى الخط والقوافي ذي مرسل فيه

شف باتصادف طرق عوجاء وفيها اْجبال # وأتبع اليسر وأجزع لك طـــــــرق واطيه

وسلم الخط بن هادي حســــين الحـــــــال # علي محمد رعـه شاعر وفخــــــــري فيه

قل من عدن ذي يضلي نارها شعــــــال # ذي كل ماجت حكومه قع لها تصفــــــيه

وسلمه عطر عاده ما خطر علا البــــــال # عاده من الغرب جاء من مـصنعه خصيه

وقله أني رســــــمته شـــــاعر الاجيــــال # شاعر محنك وحاشاء الله مـــــــــمدح فيه

شفني بصرته نهارالعـــــيد في شـــــوال # نهار ضلت قبيلــــــتنا عـــــــصب ملويه

وقله أن القبـــــيله دائــــــــماً على البال # لاحد يغلــــغل بنا واسع اويـــــــسي خفيه

لرقام معكم ودقـــــو الا على الجـــــوال # من حيث ماكنـــــــت باجـــــــوب وبالبيه

حتى المواتر مـــــعانا جاهزه شغـــــال # يدق طبلونها ميتــــــــــين في الثانـــــــيه

احمد عبدربه الميسري الجوهري6\2\2012م


وفي تاريخ 8\2\2012م كان الجواب من الشاعر علي محمد هادي الجوهري

بسم الله الرحمن الرحيم

يالله ذي بيـدك المطلاع والمـــــــــــــنزال # ياباسط الرزق ياذي كيلــــــــــتك وافيه

ما الادمي لاتســــــــلط يهـــــــفي المكيال # ضعيف مسكـــــــــــين قدها دلته خافيه

مخلوق من طين مكتــــــــوبه عليه أجال # ولا يقدم لنفـــــــــسه نفـــــــــع أوعافيه

والف صلو على احمد وصـــــحبهِ والال #ُ بنهجه أتبع ولا شيـــــــعي ولا صوفيه

وبعد يامرحبا حــــيو معي في الحـــــــال # ورحبي ياشوامخ أرضـــــــــنا الحافيه

بعطر مخصوص غالي والورود احمـــال # بهديه لحمد يرش الــــــــشال والكوفيه

وخص الشيبه الصمـــــــــصوم والجـهال # ذي مايجي في هفاء أومســـــأله هافيه

واليوم ياحــمد وصـــــــلنا الخط والاقوال # وأمسيت غني ورد البيـــــــت والقافيه

من شاعر أبدع وعاده في الطرق مازال # تكفي حروف الاشـــــــاره لذكي تكفيه

انا باانصحك وأســتمع لي ياوعل لوعال # أوبه على مهرتــــك والشغل والحرفيه

الشعر ماهو لمــــثلك يارجل لعمــــــــال # بايضيعك من حساب الدخل والصرفيه

لنسان فاضـــــــي بلا عده ولاجـــــــمال # يمسي يقايس قصص من كذب خرافيه

ماشي معي شك في أعمامك أوفي الخال # تطفون شاعل وتشـــــعلها وهي طافيه

أما القبيله تخص الشـــــــيخ والعــــــقال # بيده خطمها ونيته صـــــــادقه صافيه

ذي لادعانا لجي من حيـــــــث ماقد قال # نهار لمسي عكــــــف زافيه في زافيه

والختم صلو على احمد مامســــيله سال # وماصبحو الحجــاج في البيت طوافيه

الشاعر علي محمد هادي الجوهري


/siz